مواقف طريفه .. أو محرجه ..!

صباحكم فل ..


فكرة الموضوع واضحه ولاتحتاج شرح ..

اتمنى مشاركة الجميع ..

بطرح مواقف تعرضتم لها سواء طريفه او محرجه او صعبه .. سواء على الشبكه العنكبوتيه او على الشبكه الحياتيه ....
....


انا عن نفسي تعرضت لكثير من المواقف المحرجه ..
مااذكره منها اني في احد الايام ( ياشين الفصحى .. احس حنكي يرقل ..)


بيوم من الايام كنت طالع من الدوام .. ومتجه للسوق .. وقفت بطريقي
عند احد مكائن الصرف الالي ابي اسحب فلوس .. وقفت سيارتي ونزلت وسحبت فلوس ..لحد الان الوضع اوكي ولاعندي اي مشكله ..

اول ماطلعت ابروح لسيارتي الا قدامي واحد اعرفه لكن معرفه خفيفه ومافيه ميانه سلمت عليه
وسولفت معاه شوي يمكن دقيقتين ثلاث ... المهم رحت ..

ركبت سيارتي ..

لحد الان اوكييييي


بس فيه شي .. حسيت ان الوضع ماهو اوكي ..

السياره من داخل نظيفه .. ومرتبه .. مافيه قواطي بيبسي ولافيه جرايد

الوكاد .. التفت للسيت اللي ورى .. ابتأكد ان السياره سيارتي

الا ثلاث حريم

انا بهاللحظه انبهتت ماادري وش اسوي ..

التفت يمين .. الا هذيك سيارتي الوصخه .. طبعا كل هذا
صار بضرف نص دقيقه او دقيقه بالكثير ..

الا اثريني بدال مااركب سيارتي ركبت سيارة خويي اللي قابلته قبل شوي وسيارته تشبه سيارتي
وكان معاه اهله ...

طبعا بدون شعور .. وقبل مايطلع من الصراف .. نزلت وسكرت الباب وركبت السياره ..


حتى من زود الاحراج قمت اهوجس .. هن قالن له ولا لا ؟؟؟

لدرجة اني مسكت خط السفانيه بدال مااروح للسوق


مالكم بطويلة السالفه ...

السالفه هذي قبل ثلاث سنوات

ومن هذاك ماادري وين دنياه ..

.



طبعا في مواقف كثير ..

سأعود

مشكوووور اخوي القناص على موضوعك الرائع